اشمعنا مهند ونور ولميس ويحيى

تقريبا مصر والوطن العربى كلة بيتابع واحد من المسلسلين التركين لو مكنش الاتنين نور وسنوات الضياع لان طبيعى لما يكون مسلسل جديد وناس شافوة وعجبهم دة بيقول لدة لحد ما تلاقى فى الاخر ناس كتير بتابعة وفى المجلات والجرايد عاملين ضجة وشايفين انة غريب اوى الاقبال على متابعتهم مع انة انا شايفة انة عادى جدا لان اول مرة يتعرض مسلسلات تركية ومجتمع جديد اول مرة نشوفة فالناس عندها فضول للفرجة على نوعية جديدة وتغيير عن المسلسلات المصرية اللى زهقنا منها وكلها نكد وشبة بعض ونفس الممثلين مكررين
يعنى التغيير حلو كمان اللى شد الناس اكتر للمسلسلين الرومانسية فى التعامل بين الاحباب او الزوجين يعنى كل زوجة بتتمنى ان جوزها يعاملها زى ما مهند بيعامل نور والازواج كمان نفسهم فى نفس معاملة نور لمهند لدرجة ان فى قرية من قرى الساحل الشمالى الشباب عملوا مظاهرة طريفة عشان المسئولين عن القرية يعرضوا نور على الشاشات ودة حصل فعلا
الغريب فتاوى االتكفير اللى طلعت بتكفر المسلسلين واللى بيتفرجوا علية واشمعنا دول بالذات ما المسلسلات شغالة طول السنة يعنى المسلسلات المدبلجة حرام والتانية لا
يعنى ملاحطة ان كل حاجة تعمل ضجة وبتلاقى اقبال من الناس تطلع لها فتاوى بتحريمها